KAMPUNI YA MCHEZO WA KUBAHATISHA SPOTIPESA YATOA SHUKRANI ZAKE KWA WADAU

Kampuni ya mchezo wa kubahatisha ya SportPesa leo imetoa shukrani kwa Rais wa Jamhuri ya Muungano wa Tanzania, John Pombe Magufuli kwa kutoa baraka na kufanikisha ziara ya klabu ya Everton ya Uingereza.

Kauli hiyo, imetolewa ikiwa ni siku chache tangu mechi ya kirafiki kati ya Gor Mahia na Everton ichezwe kwenye Uwanja wa Taifa jijini Dar es Salaam.

Katika mchezo huo, Everton iliyoongozwa na nahodha wa zamani wa Manchester United ilifanikiwa kupata ushindi wa mabao 2-1.

Akizungumza na Waandishi wa Habari kwenye ofisi za kampuni hiyo, Masaki jijini Dar es Salaam Mkurugenzi, Maendeleo na Uendeleshaji, Tarimba Abbasi alisema serikali imesaidia mengi katika ziara hiyo.

Tarimba alisema, wanalishukuru Jeshi la Polisi, Bodi ya Utalii Tanzania (TBB), Uhamiaji, Shirikisho la Soka Tanzania (TFF) na Wizara ya Habari, Sanaa, Utamaduni na Michezo chini ya waziri wake, Harrison Mwakyembe kwa kufanikisha ziara huyo.

“SportPesa tuchukue nafasi hii kuzipongeza wizara mbalimbali hapa nchini zilizoshiriki kufanikisha ziara ya Everton, kiukweli kabisa ziara hii imeweza kuitangaza vema Tanzania.

“Pongezi nyingi ziende rais wetu Magufuli, Mwakyembe mwenye dhamana ya michezo bila kuzisahau taasisi mbalimbali ikiwemo bodi ya Utalii, Uhamiaji na TFF,”alisema Tarimba.

mwisho

facebook

twitter

Tweet

google+

linkedin